Sorawlar hám juwaplar
-
Xalıqtı mánzilli sociallıq qorǵaw túsinigi Professional sociallıq qorǵaw sistemasın engizip, xalıqtıń járdemge mútáj qatlamınıń sociallasıwın támiyinlew, sociallıq qorǵawdı máhálle dárejesinde awır turmıslıq awhalǵa túsip qalǵan xalıqqa individual qatnas jasap, járdem kórsetiw.
-
Mayıplıǵı bar adamlar densawlıǵın tiklew ushın qanday jeńilliklerge iye? I-II topar mayıplıǵı bar xalıq qatlamı Ózbekstan Respublikası Densawlıqtı saqlaw sistemasına qaraslı medicina mákemeleri hám medicinalıq qamsızlandırıw fondı menen shártnamaǵa iye bolǵan jeke menshik medicinalıq emlewxanalar tárepinen jeńilletilgen, kvalifikaciyalı hám biypul medicinalıq járdem alıw huqıqına iye.
-
Mayıplıqtı rásmiylestiriw ushın birinshi gezekte qay jerge múrájat etiledi? Mayıplıq toparın rásmiylestiriw ushın birinshi gezekte puqaranıń ózi jasap turǵan mikroaymaqqa tiyisli bolǵan birlemshi medicinalıq-sanitariyalıq járdem mákemesine múrájat qılınadı hám baslanǵısh hújjetler rásmiylestiriledi.
-
Jazanı ótew orınlarınan azat etilgen shaxslardı reabilitaciyalaw hám sociallıq beyimlestiriw orayları tárepinen jazanı ótew orınlarınan azat etilgenlerge qanday járdemler kórsetiledi? Erkinen ayırıw orınlarınan azat etilgen shaxslardıń sociallıq qorǵalıwın shólkemlestiriw hám támiyinlew, tiyisli tártipte kiyim-kenshek, azıq-awqat hám turaq jay ushın bir mártelik tólenetuǵın napaqa pulın beriw arqalı olardıń birlemshi mútájliklerin qandırıw.
-
«Saqawat» internat úylerine kimler múrájat etiw huqıqına iye? Ózbekstan Respublikasında turaqlı jasaytuǵın, Ózbekstan Respublikası Shańaraq kodeksiniń 57-stat'yasına muwapıq olarǵa kútim beriliwi shárt bolǵan tuwısqanları yaki basqa shaxslar bolmaǵan jalǵız kekseler, 18 jasınan baslap I hám II topar mayıplıǵı bolǵan shaxslar jáne ózgeler kútimine mútáj, jalǵız jasawshı I topar mayıplıǵı bolǵan kekseler múrájat etiw huqıqına iye.
-
«Saqawat» internat úylerine qabıl etiwde qarsı kórsetpeler bar ma? tez-tezden tutqanaq bolatuǵın epilepsiya, turaqlı tutqanaqlarǵa, epileptik dárejesine, kún aqırına qaray bosasıwǵa, disforiyaǵa beyimlilik;
nawqastıń ózi hám átiraptaǵılar ushın qáwipli bolǵan beyimliliktiń qopal buzılıwları hám ózin tutıwdaǵı turpayılıq penen birge keshetuǵın ruwxıy kesellikler;
processtiń jedel basqıshındaǵı tuberkulyoz keselligi;
juqpalı teri hám shash kesellikleri;
ótkir juqpalı kesellikler;
keri processtegi, jaman jaǵdayda keshetuǵın isik kesellikleri hám recidivleri;
venerik kesellikleri internat úylerine qabıllawdaǵı qarsı kórsetpeler bolıp tabıladı.
