Ózbekstan Respublikası Ministrler Kabinetiniń 2006-jıl 23-noyabrdegi «Mámleketlik basqarıw uyımları janındaǵı Ózbekstan Respublikası ǵalaba xabar quralları wákillerin akkreditaciyalaw tártibin jetilistiriw haqqında»ǵı 243-sanlı qararına muwapıq Agentlik tárepinen xabarshılardı akkreditaciyalaw boyınsha shólkemlestiriw jumısları alıp barıladı. Óz xabarshıların Sociallıq qorǵaw milliy agentligi sistemasında akkreditaciyalawdı qálewshi ǴXQ qararda kórsetilgen tártipte arza beredi. Arzada:

• ǵalaba xabar quralı ataması  hám túri;
• qánigelesiwi;
• tarqatılıw aymaǵı;
• elektron pochta mánzili;
• redakciya telefonları hám faksları nomerleri;
• akkreditaciyaǵa usınılǵan xabarshınıń familiyası, atı hám ákesiniń atı;

xabarshınıń óz kásiplik jumısın ámelge asırıwı ushın janında alıp júriletuǵın apparatura, sonday-aq tolıq maǵlıwmattı qamtıwshı (xızmet lawazımı, pasport maǵlıwmatı, diplom nusqası, elektron pochta mánzili, telefon hám faks nomerleri) maǵlıwmatnama hám tiyisli formadaǵı tórt dana fotosúwret kórsetiledi.