Baspasóz xızmetiniń baylanıs maǵlıwmatları
Baspasóz xızmetiniń baylanıs maǵlıwmatları
Ruzmetova Dilfuzabegim
Polvannazarovna
Baspasóz xızmeti
Ózbekstan Respublikası Prezidenti janındaǵı Sociallıq qorǵaw milliy agentliginiń Málimleme xızmeti óz jumısın Ózbekstan Respublikası Prezidentiniń 2023-jıl 1-iyundaǵı Pármanı hám agentlik direktorınıń 2023-jıl __-avgust kúngi tastıyıqlaǵan Málimleme xızmeti haqqındaǵı Rejege muwapıq shólkemlestiredi.
Málimleme xızmetiniń wazıypaları
- Agentlik basshılıǵı tárepinen belgilengen málimleme siyasatın qáliplestiriw hám ámelge asırıwda Málimleme xızetiniń qatnası;
- Agentlik sistemasınıń jumıs sheńberindegi normativlik-huqıqıy aktlerin milliy ǵalaba xabar qurallarında járiyalanıwın támiyinlew;
- Milliy hám sırt el ǵalaba xabar qurallarında Agentlik sisteması jumısınıń baslı aspektlerin jarıtıw;
- Internet tarmaǵında Agentiktiń veb-resursların turaqlı jetilistirip barıw;
- Agentlik hám onıń uyımları haqqında waqtı-ўaqtı jámiyetshilik pikirin úyreniw hám olardıń ńatiyjeleri boyınsha basshılıqqa usınıslar kirgiziw;
- Respublikalıq hám sırt el ǵalaba xabar qurallarınıń Agentlikke hám onıń uyımlarına kózqarasın talqılaw, bul haqqında basshılıqtı xabardar etip barıw.
Atqaratuǵın xızmetleri
- Agentlik sistemasına kiriwshi mákeme hám aymaqlıq basqarmalar, sodnay-aq milliy hám sırt el ǴXQ menen birgelikte Agentlik turmısı haqqında baspasóz materialların tayarlaw ham basıw, telebaǵdarlamalar hám radio esittiriwlerdi efirge beriw;
- Málimleme xızmeti tárepinen Agentliktiń basqa da bólim hám aymaqlıq basqaramaları menen bergelikte óz wazıypaların nátiyjeli shólkemlestiriw ushın zárúr bolǵan maǵlıwmatlardı jıynaw hám qayta islew;
- Agentliktiń uyımları hám mákemeleri menen birgelikte baspasóz konferenciyaların, brifingler shólkemlestiriw hám ǴXQ arqalı press-relizlerin tarqatıw;
- Agentlik jumısı haqqında tele baǵdarlamalar menen radio esittiriwler tayarlawǵa qatansıw;
- Puqaralardıń huqıqıy sawatlılıǵın arttırıwǵa qaratılǵan rolikler tayarlawǵa hám efirge beriwge qatnasıw;
- Agentlik basshılıǵınıń hám juwaplı xızmetkerleriniń baspasóz konferenciyaların, brifinglerin hám basqa da ǵalaba xabar quralları menen ushırasıwların shólkemlestiriw;
- ǴXQ da Agentlik jumısına tiyisli unamlı hám sınlı shıǵıwlardı talqılaw, olardı basshılıqqa usınıw.
Málimleme xızmeti óz jumısın tikkeley ózi alıp baradı, sonday-aq Agentliktiń oraylıq apparatı, uyımları hám mákemeleri, basqa da ministrlik penen shólkemlerdiń tiyisli xızmetleri menen birge islesedi.
Málimleme xızmeti óz wákilligi sheńberinde Agentlik sistemasınıń jumısı haqqında tolıq hám ob’ektiv materiallardı tayarlawda milliy hám shet el málimleme agentlikleri menen birge islesedi, sonday-aq járdem kórsetiw haqqında arza hám sorawlardı qarap shıǵadı.
