Sociallıq qorǵaw agentligi basshılıǵı
Olloyorov Mansurbek Polvonzoda
Ózbekstan Respublikası Prezidenti janındaǵı Sociallıq qorǵaw milliy agentligi direktorı
Qabıllaw kúnleri
Dsh
Shsh
10:00-12:00
Ssh
Psh
J
Ómirbayanı
Mansurbek Olloyorov 1982-jıl Xorezm wálayatında tuwılǵan. Tashkent mámleketlik ekonomika universitetinde, sońınan Milliy siyasiy izertlewler institutında (Yaponiya) oqıǵan.
Óz miynet jolın Ózbekstan Respublikası Qarjı ministrliginde 1-kategoriyalı qánigeden Qarjı ministrligi Mámleketlik byudjet basqarması baslıǵınıń orınbasarı lawazımına shekem islewden baslaǵan.
Mansurbek Olloyorov, sonday-aq, Ózbekstan Respublikası Prezidenti Administraciyasınıń ekonomikalıq sektordaǵı reformalardı ekspertlik-huqıqıy qollap-quwatlaw bóliminiń jetekshi qánigesi hám bólim baslıǵı, onnan soń bas inspektorı bolıp islegen.
Ózbekstan Respublikası Prezidenti reformaların huqıqıy qollap-quwatlaw hám huqıq qorǵaw jumısın muwapıqlastırıw máseleleri boyınsha másláhátshi ornbasarı, sońǵı jıllarda bolsa Ózbekstan Respublikası Prezidenti Administraciyasınıń huqıqıy ekspertiza hám kompleksli tallaw bólimi baslıǵınıń orınbasarı lawazımında islegen.
Mansurbek Olloyorov óz miynet jolı dawamında energetika, transport hám mámleketlik kadastr tarawın reformalaw, jámiyetlik transportın qarjılandırıwda «jalpı» kontraktın engiziw, energetikada «jasıl sertifikat» sistemasın engiziw, mámleketlik medicinalıq qamszlandırıwdı támiyinlew, awıl xojalıǵı sistemasında tamshılatıp suwǵarıw sistemasın qarjılay qollap-quwatlaw sıyaqlı kóplegen joybarlarda qatnasqan.
Mirziyoeva Shaxnoza Shavkatovna
Ózbekstan Respublikası Prezidenti janındaǵı Sociallıq qorǵaw milliy agentligi direktorınıń birinshi orınbasarı
Qabıllaw kúnleri
Dsh
Shsh
Ssh
Psh
J
Ómirbayanı
Shaxnoza Mirziyoeva 1986-jılı Tashkent qalasında tuwılǵan. Pedagogika ilimleriniń kandidatı,
huqıqtanıw hám jáhán ekonomikası boyınsha magistr dárejesine iye.
Ózbekstan Respublikası
mektepke shekemgi ministrliginde 2017-jılı ashılǵannan baslap islep, ol jerde Mektepke
shekemgi bilimlendiriú salasında siyasat hám strategiyalıq rawajlandırıwdı qáliplestiriw Bas
basqarmasına basshılıq etti. Sonıń menen birge ol mektepke shekemgi bilimlendiriwde teńlik
hám inklyuziyanı támiyinlew boyınsha ministr másláhátshisi bolıp ta isledi.
Shaxnoza
Mirziyoeva Ózbekstannıń mektepke shekemgi sistemasına tabıslı engizilgen kóp ǵana
innovaciyalıq ideyalardıń avtorı. Buǵan mısal retinde imkaniyatı sheklengen balalar ushın
reabilitaciyalıq orayǵa iye «Imkon» kóp tarmaqlı qánigelestirilgen mektepke shekemgi
bilimlendiriw shólkeminiń joybarın aytsaq boladı. Onıń baslamasında respublika boyınsha iske
túsirilgen jáne bir joybar – bul alıs aúıllardaǵı balalardıń mektepke shekemgi bilimlendiriw
xızmetlerinen pútkilley biypul paydalanıw imkaniyatın bergen «Aqlvoy» mobil balalar
baqshaları boldı.
Shaxnoza Mirziyoeva sonday-aq Ózbekstanda xalıqtı sociallıq qorǵaw
boyınsha birden-bir agentlik jaratıw boyınsha isshi topardı basqarıp bardı.
Tashxodjaev Muxtorxon Maxsudovich
Ózbekstan Respublikası Prezidenti janındaǵı Sociallıq qorǵaw milliy agentligi direktorınıń orınbasarı
Qabıllaw kúnleri
Dsh
Shsh
Ssh
15:00-17:00
Psh
J
Ómirbayanı
Muxtorxon Tashxodjaev 1983-jılı Ferǵana wálayatı Qoqand qalasında tuwılǵan. Tashkent mámleketlik ekonomika universitetin pitkergen. Ekonomika boyınsha filosofiya doktorı (PhD), docent. Ózbekstan Milliy paralimpiya komiteti baslıǵı, Aziya paralimpiya komiteti vice-prezidenti.
Óziniń miynet jolın Tashkent mámleketlik ekonomika universitetinde assistent, ilimiy xızmetker, aǵa oqıtıwshı, docent, korporativ basqarıw fakul’teti dekan orınbasarı hám dekanı lawazımlarınan baslaǵan.
Sonıń menen birge ol Ózbekstan Milliy paralimpiya komiteti baslıǵınıń orınbasarı lawazımında óziniń basshılıq úqıpların kórsete bildi hám jumısın Ózbekstan Milliy paralimpiya associaciyası baslıǵı sıpatında dawam etti.
2017-jılı «Ózbekstan belgisi» kókirek nıshanı menen, al 2021-jılı paralimpiya sportın rawajlandırıwǵa qosqan úlesleri ushın «Ózbekstanǵa miyneti sińgen sport treneri» húrmetli ataǵı menen sıylıqlandı.
Abruev Jamshid Ismoilovich
Ózbekstan Respublikası Prezidenti janındaǵı Sociallıq qorǵaw milliy agentligi direktorınıń orınbasarı
Qabıllaw kúnleri
Dsh
Shsh
Ssh
Psh
J
15:00-17:00
Ómirbayanı
Jamshid Abruev 1979-jılı Tashkent qalasında tuwılǵan. Samarqand wálayatı Awıl xojalıǵı institutın, sońınan Tashkent mámleketlik ekonomika universitetin tamamlaǵan.
Óziniń miynet jolın Samarqand qalası Temir jol rayonı xalıq bilimlendiriw bólimi buxgalteri lawazımınan baslaǵan hám usı rayonnıń finans bóliminde ekonomist bolıp islegen.
Jamshid Abruev sonday-aq Samarqand wálayatı hákimliginiń 1-dárejeli ekonomisti, jetekshi ekonomisti, bas ekonomisti, finans basqarması baslıǵınıń orınbasarı lawazımlarında isledi.
Sońınan Ózbekstan Respublikası Finans ministrliginiń sociallıq taraw hám ilimdi qarjılandırıw Bas basqarması baslıǵınıń orınbasarı, onnan keyin Mámleketlik byudjet Bas basqarması baslıǵı lawazımların iyeledi.
Sońǵı jıllarda Jamshid Abruev Ózbekstan Respublikası Finans ministriniń orınbasarı, al 2023-jıldıń yanvar’-may aylarında Ózbekstan Respublikası Kámbaǵallıqqa qarsı gúresiw hám xalıq bántligi ministri orınbasarı bolıp isledi.
Óz karyerası dawamında Jamshid Abruev «Birden-bir sociallıq qorǵaw reestri», «Medicinalıq qamsızlandırıw sisteması»nıń engiziliwine, «Mámleketlik byudjet haqqında»ǵı Nızamnıń islep shıǵılıwına, «Ashıq byudjet portalı»nıń iske túsiwine úles qostı.
Sociallıq-ekonomikalıq máselelerden tısqarı, zamanagóy talaplar tiykarında ilimdi hám bilimlendiriw sistemasın rawajlandırıw salasında «Mámleketlik-jeke sheriklik hám avtomat tárizde subsidiyalar tólew tiykarında mektepke shekemgi bilimlendiriw mákemelerin shólkemlestiriw», «Mámleketlik-jeke sheriklik tiykarında joqarı bilimlendiriw mákemeleri» baǵdarlamaların islep shıǵıwda, jataqxanalar qurıwda, «Shańaraqlıq balalar úyin bir jóneliste qarjılandırıwǵa ótkeriw» sıyaqlı jyobarlarda belsene qatnastı.
Abdullaev Sirojiddin Sadullaevich
Ózbekstan Respublikası Prezidenti janındaǵı Sociallıq qorǵaw milliy agentligi direktorınıń orınbasarı
Qabıllaw kúnleri
Dsh
Shsh
Ssh
Psh
10:00-12:00
J
Ómirbayanı
Sirojiddin Abdullaev 1984-jılı Qashqadár’ya wálayatı Shaxrisabz rayonında tuwılǵan. Tashkent finans institutın pitkergen.
Miynet jolın Ózbekstan Respublikası Monopoliyadan shıǵarıw, básekilikti qollap-quwatlaw hám isbilermenlikti rawajlandırıw komitetinde ekspert, bas inspektor, bólim baslıq orınbasarı bolıp islewden baslaǵan.
Sońınan jumısın «Qishloq qurilish invest» injiniring kompaniyasında marketing hám turaq jaydı qarjılandırıw bólimi baslıǵı lawazımında dawam ettirgen.
Sonday-aq Ózbekstan Respublikası Qarjı ministrliginde narq siyasatı hám narqtı qáliplestiriw basqarması baslıǵı, onnan soń Mámleketlik byudjet Bas basqarmasınıń dáramatlardı rejelestiriw hám jámlesken byudjet dáramatların analizlew basqarması baslıǵı bolıp isledi.
Sońǵı jılları Ózbekstan Respublikası Esap-sanaq palatası hám Prezident Administraciyasında juwapkerli lawazımlarda isledi.
Óz miynet jolı dawamında Sirojiddin Abdullaev sociallıq qollap-quwatlaw arqalı kem támiyinlengen hám turaq jay sharayatların jaqsılawǵa mútáj shańaraqlarǵa járdem beriw boyınsha áhmiyetli huqıqıy hújjetlerdi islep shıǵıwda hám engiziwde, sonday-aq mámleketlik qollap-quwatlawdıń mánzilligin hám ashıq-aydınlıǵın támiyinlewge belsendi qatnastı.
