Ózbekstan Respublikası Prezidenti janındaǵı Sociallıq qorǵaw milliy agentligi

Ózbekstan Respublikası Prezidenti janındaǵı Sociallıq qorǵaw milliy agentligi Ózbekstan Respublikası Prezidentiniń 2023-jıl 1-iyundaǵı «Xalıqqa sapalı sociallıq xızmet hám járdem kórsetiw hám onı nátiyjeli qadaǵalaw sistemasın jolǵa qoyıw boyınsha kompleksli ilajlar haqqında»ǵı Pármanı tiykarında shólkemlestirildi. Agentlik sociallıq qorǵaw hám xalıqqa sociallıq xızmetler kórsetiw salasında birden bir mámleketlik siyasattı islep shıǵıw hám ámelge asırıw boyınsha wákillikli mámleketlik uyım bolıp tabıladı.

Agentliktiń missiyası – professional sociallıq xızmet hám sociallıq járdem.

Agentlik wazıypaları:

•          Awır turmıslıq jaǵdayǵa túsken xalıq penen mánzilli islesiw hám olarǵa sociallıq xızmet jáne járdem kórsetiw, jámiyetke sociallasıwın támiyinlew arqalı sociallıq qorǵawǵa mútáj xalıqtıń sanın kemeytiw;

•          Awır turmıslıq jaǵdayǵa túsiw qáwpi astında bolǵan sociallıq xızmet hám sociallıq járdemdi máhálle dárejesinde shólkemlestiriw arqalı xalıqtı ózi jasap atırǵan ortalıqtan ajıratpaw;

•          Sociallıq xızmet hám sociallıq járdemniń turaqlı bolıwın támiyinlew arqalı olardıń huqıqların turaqlı kepillew;

•          Sociallıq xızmet hám sociallıq járdem kórsetiwdiń barlıq basqıshlarında ashıqlıqtı támiyinlew arqalı sociallıq qorǵaw siyasatın qáliplestiriwde qatnasıwın arttırıw;

•          Sociallıq xızmetlerdi qaliplestiriwde xalıqtıń talap hám mútájliklerin itibarǵa alıw arqalı xızmetler mánzilliligin jáne nátiyjeliligin arttırıw.

Agentliktiń baslı baǵdarları tómendegiler:

I. Xalıqtı sociallıq qorǵaw salasında birden bir mámleketlik siyasattı hám ilajlardı islep shıǵıw hám ámelge asırıw baǵdarında:

– xalıqtı sociallıq qorǵaw salasında birden bir mámleketlik siyasattı islep shıǵıw hám ámelge asırıw;

– sociallıq qorǵawǵa mútáj shaxslar hám shańaraqlar boyınsha sociallıq járdem baǵdarlamaların islep shıǵıw;

– kepillengen sociallıq xızmetler standartların islep shıǵıw, olardıń ámelge asırılıwın monitoring qılıw;

– xalıqtıń túrli toparları menen islesetuǵın professional «sociallıq xızmet» jumısın shólkemlestiriw;

– sociallıq sheriklikti keńeytiw, mámleketlik emes hám jergilikli birlespelerdi hár qıylı xızmetler kórsetiw hám xalıqtıń ázzi qatlamların qollap-quwatlawǵa ele de jedel qamtıw ushın xoshametlew ilajların jaratıw;

– tarawdı sanlastırıw arqalı sociallıq qorǵaw sistemasınıń ashıq-aydınlıǵın támiyinlew hám processlerdi xalıq ushın qolaylı tárizde shólkemlestiriw.

II. Mayıplıǵı bar shaxslar menen islesiw sistemasın jetilistiriw baǵdarında:

– mayıplıqtı bahalaw hám anıqlıqtıń medicinalıq modelinen sociallıq modeline basqıshpa-basqısh ótiwdi támiyinlew;

– mayıplıǵı bar shaxslardı joqarı sapalı protez-ortopediya ónimleri hám reabilitaciyanıń texnikalıq quralları menen támiyinlew;

– mayıplıǵı bar shaxslardı reabilitaciya hám abilitaciya etiw tarawın rawajlandırıw hám tarawǵa zamanagóy texnologiyalardı engiziw;

– jámiyette sociallıq beyimlesiw hám integraciya ushın sharayat jaratıw, mayıplıǵı bar shaxslardıń bántligin támiyinlewge járdemlesiw, inklyuzivlikti támiyinlewdi muwapıqlastırıw jáne olarǵa qolaylı ortalıq qáliplestirilgenin baqlaw:

– sociallıq qorǵawǵa mútáj shaxslar, sonıń ishinde mayıplıǵı bar shaxslarǵa jámiyet sanasında salamat pikirlewdi qáliplestiriw;

– mayıplıǵı bar shaxslardıń erkin turmıs keshiriwin qollap-quwatlaw boyınsha is-ilajlarlı ámlege asırıw, olarǵa úy sharayatında sociallıq xızmetlerdi shólkemlestiriw;

– mayıplıǵı bar shaxslar menen isleytuǵın qanigelestirilgen internat, bilimlendiriw mákemeleri hám reabilitaciya orayları jumısların jetilistiriw.

III.Jas óspirimlerdi qorǵaw baǵdarında:

– balalarǵa bolǵan zorlıqtıń aldın alıw baǵdarlamaların islep shıǵıw hám ámelge asırıw;

– ámengerlik hám qáwenderlik sistemasın jetilistiriw, sonıń ishinde, shańaraqqa tiykarlanǵan balalardı qorǵawdıń alternativ túrlerin rawajlandırıw;

– perzent saqlap alıw sistemasın jetilistiriw;

– sociallıq qorǵawǵa mútáj balalardıń huqıqların, erkinliklerin  hám máplerin qorǵawdı shólkemlestiriw;

– qorǵawǵa mútáj balalardı emlewdi shólkemlestiriw sistemasın jetilistiriw.

IV. Hayal-qızlardı qorǵaw sistemasın jetilistiriw baǵdarında:

– hayal-qızlardı zorlıq hám jınısıy zorlıqtan qorǵawda professional járdem kórsetiwdi shólkemlestiriw;

– zorlıqtan azap shekken hayal-qızlardı qollap-quwatlaw, sonıń ishinde  baspana (shelter) hám  reabilitaciya orayların shólkemlestiriw.

V. Awır turmıslıq jaǵdayǵa túsip qalǵan shańaraqlar menen islesiw baǵdarında:

– shańaraqlarǵa sociallıq xızmet hám járdem kórsetiw, balalardı shańaraqlardan ayırıwdıń aldın alıw, ata-analardı, ata-analardıń kónlikpelerin rawajlandırıw;

– awır turmıslıq jaǵdayda bolǵan hámiledar hayallar, jalǵız ata-analar hám jas balalı shańaraqlardı qollap-quwatlaw sistemasın shólkemlestiriw;

– awır turmıslıq jaǵdaylarda bolǵan shańaraqlardıń perzentleri ushın sociallıq xızmetlerdi rawajlandırıw;

– palliativlik járdemdi shólkemlestiriw.

VI. Jaslar menen islesiw baǵdarında:

– psixosociallik xızmet kórsetiw sistemasın shólkemlestiriw;

– xalıqta bilim alıwǵa mútáj  balalar ushın qánigelestirilgen bilimlendiriw mákemeleri pitkeriwshilerin hár qıylı shólkemler tárepinen usınılǵan sociallıq xızmetler, jollama hám sorawlar tiykarında psixologiyalıq salamatlıq, zárúr kónlikpe hám bilim alıw, kásipke, jumısqa hám isbilermenlik penen shuǵıllanıwga baǵdarlaw sistemasın jolǵa qoyıw.

VII . Jalǵız baslı hám kekseler menen islesiw baǵdarında:

– úyde qaraw hám qollap-quwatlaw  xızmetlerin shólkemlestiriw;

– qáriyalar úyleri hám basqa da mákemeler tiykarında professional  xızmet kórsetiw sistemasın shólkemlestiriw, zorlıq kórsetiwden qorǵaw.

VIII. Sociallıq támiynat baǵdarlamaları baǵdarında:

– sociallıq qamsızlandırıw sistemasında birden-bir mámleketlik siyasattı júrgiziw;

– xalıqtı sociallıq qamsızlandırıw sistemasına tartıw boyınsha xoshametlewshi mexanizmlerdi islep shıǵıw.