SQMA hám Jáhán Banki Innovacion sociallıq qorǵaw sisteması baǵdarında óz-ara birge islesiwdi kúsheytiredi

Sociallıq qorǵaw milliy agentligi delegaciyasınıń Amerika Qurama Shtatlarına saparı sheńberinde Sociallıq qorǵaw hám bántlik máseleleri boyınsha global direktorı Iffat Sharrif basshılıǵındaǵı Jáhán Banki basshıları menen sóylesiwler alıp bardı.

Ushırasıw dawamında Ózbekstan húkimetiniń shańaraq hám jergilikli ózin-ózi basqarıw organlarına itibar qaratqan halda sociallıq qorǵaw strategiyasın qayta kórip shıǵıw ilajları qollap-quwatlanıwı aytıp ótildi.

“Jumıs orınların jaratıw hám sociallıq qorǵaw global akseleratorı” baslamasın ámelge asırıwda Ózbekstan Respublikasınıń qatnasıwı joqarı bahalanıp, usı baǵdarda Jáhán banki Ózbekstan húkimeti menen jaqın baylanısların bekkemlewge tayar ekenligin bildirildi.

Sóylesiwler sheńberinde tárepler Jáhán Banki Bas ofisiniń Ózbekstanda sociallıq qorǵaw strategiyasın jetilistiriw, “ǵamqorlıq ekonomikası” sektorın hám professional sociallıq xızmetti rawajlandırıwǵa kómeklesiw, Respublika sociallıq qorǵaw sistemasın túrli ijtimoiy xizmatni rivojlantirishga ko‘maklashish, respublika ijtimoiy himoya tizimini turli faktorlarǵa beyimlestiriw tarawında óz-ara birge islesiwdi rawajlandırıw boyınsha kelisiwlerge erisildi.

Jáhán Banki basshılıǵı, sonday-aq, “Xalıqtıń sociallıq qorǵawǵa mútáj qatlamların beyimlesiwin támiyinlew ushın Innovacion sociallıq qorǵaw sisteması” (INSAN) qospa joybarın ámelge asırıw arqalı texnikalıq járdem kórsetiwge tayar ekenligin jáne bir márte tastıyıqladı.