“Insan” oraylarınıń jetekshi xızmetkerlerine treningler ótkerilmekte
20 Dekabr, 2023
312
Usı jıldıń 18-23-dekabr kúnleri Sociallıq qorǵaw sisteması xızmetkerleriniń tájiriybesin asırıw orayında “Insan” oraylarınıń jetekshi xızmetkerleri ushın treningler hám superviziyalar ótkeriw hámde sociallıq xızmetkerlerdi qollap-quwatlaw boyınsha kónlikpelerin asırıw” temasında trenerler ushın 6 kúnlik trening ótkerilmekte.
“Insan” sociallıq xızmetler orayları hám sociallıq xızmetkerler kórsetetuǵın xızmetler hám járdemlerdiń jańa sisteması jolǵa qoyılǵanlıǵı múnásibeti menen, “Insan” sociallıq xızmetler orayı quramlıq bólimlerinde iskerlik alıp barıp atırǵan sociallıq xızmetkerlerdi oqıtıw ushın ustaz trenerlerdi tayarlaw maqsetke muwapıq. Ótkerilip atırǵan treningler UNICEFtiń Ózbekstandaǵı konsulxanası menen birgelikte ámelge asırılmaqta.
Treningler “Insan” sociallıq xızmetler oraylarında iskerlik alıp barıwshı bas sociallıq xızmekter hám supervayzerlerdiń kónlikpelerin asırıw, sociallıq ámeliyattıń huqıqıy tiykarların úyreniw, zorlıqtan qorǵaw, xızmetkerlerdiń kásiplik kompetensiyası hám kásiplik ádep-ikramlıq principlerin úyreniwge qaratılǵan.