AQSh densawlıqtı saqlaw hám sociallıq xızmeti ministrliginiń basshıları menen ushırasıw
4 Dekabr, 2023
310
Usı jıldıń 30-noyabr kúni Sociallıq qorǵaw milliy agentligi delegaciyası Amerika qurama shtatlarına saparı dawamında AQSh densawlıqtı saqlaw hám sociallıq xızmeti ministrliginiń basshıları qatnasıwında ushırasıwlar bolıp ótti.
Ózbekstanda sociallıq qorǵaw sistemasın jetilistiriw baǵdarında Agentlik penen birge islesiwdi jolǵa qoyıw boyınsha AQSh wákilleri joqarı qızıǵıwshılıq bildirdi.
Sóylesiwler dawamında, shólkem qánigeleri ortasında óz-ara tájiriybe almasıw hám turaqlı baylanıslardı jolǵa qoyıw ushın isshi toparın shólkemlestiriw, xalıqtı sociallıq qorǵaw tarawındaǵı normativ-huqıqıy hújjetler hám standartlardı, atap aytqanda balalar, mayıplıǵı bolǵan shaxslar hám jalǵız kekselerge qaraw hám qollap-quwatlaw boyınsha joybarlardı islep shıǵıwda kómeklesiw boyınsha kelisiwlerge erisildi.
