Дафн этиш учун нафақа
Миқдори
1 388 000 сўм
бир марталик
Асос
ЎРҚ-276, 27.12.2010 й.
ВМҚ-89, 25.02.2022 й.
Ахборот тизими
“Пенсия” АТ
Агентликга ўтказилиши
01.01.2024
Нафақа кимларга тайинланади?
Вафот этган шахснинг эри (хотини), ота-онаси, фарзандлари ва бошқа қариндошларига ёки қонуний вакилига, улар бўлмаганда эса дафн этишни амалга ошириш мажбуриятини ўз зиммасига олган бошқа шахсга.
Қаерга мурожаат қилинади?
Ўлимни қайд қилиш билан боғлиқ композит давлат хизматларини кўрсатиш доирасида мурожаат талабисиз тайинланади. «ФҲДЁнинг ягона электрон архиви» ахборот тизимида ўлим ҳақида далолатнома ёзуви қайд этилганида ўлим ҳақидаги маълумотнома «Пенсия» ахборот тизимига юборилади.
Маълумотномани ким кўриб чиқади ва қарор қандай қабул қилинади?
«Пенсия» ахборот тизими орқали нафақа автоматик тарзда тайинланади ва натижаси бўйича нафақа олувчига СМС хабар юборилади.
Нафақа тўловлари қачон ва қаерда амалга оширилади?
Ўлим қайд этилганидан сўнг нафақа олувчининг талабига кўра АТ «Халқ банки» бўлими (филиали) томонидан тўланади.
Нафақа комплекс давлат хизматларини кўрсатиш доирасида тайинланади.