2025 йил май ойида 7 854 нафар фуқарога ижтимоий тўловлар тайинлаб берилди
10 Июн, 2025
1302
Ижтимоий ҳимоя миллий агентлиги томонидан 2025 йил май ойида пенсия тайинлаш учун иш стажига эга бўлмаган 7 854 нафар фуқарога нафақа, моддий ёрдам ва компенсация пул тўловлари тайинлаб берилди.
Жумладан:
▪️ 1 122 нафар фуқарога — ёшга доир нафақа;
▪️ 2 555 нафар фуқарога — ногиронлик нафақаси;
▪️ 608 нафар оилага — боқувчисини йўқотганлик нафақаси;
▪️ 2 075 нафар фуқарога — ногиронлиги бўлган 18 ёшгача болаларга ногиронлик нафақаси;
▪️ 907 нафар фуқарога — парваришлаш нафақаси;
▪️ 176 нафар фуқарога — ўзгалар парваришига муҳтож бўлган ёлғиз кексалар ва ногиронлиги бўлган шахсларга моддий ёрдам;
▪️ 411 нафар фуқарога — уй-жой-коммунал хизматлар ҳақини тўлаш бўйича компенсация пул тўловлари тайинланган.
Маълумот учун: 2025 йилнинг апрель ойида 7 802 нафар фуқарога нафақа, моддий ёрдам ва компенсация пул тўловлари тайинлаб берилган эди.
