"Ҳаққим бор" – филми премьераси бўлиб ўтди

Лойиҳа Ўзбекистон Республикаси Президенти ҳузуридаги Ижтимоий ҳимоя миллий агентлиги кўмагида, Шахноза Мирзиёева ташаббуси билан, болаларни зўравонликдан ҳимоя қилиш мақсадида амалга оширилди.

“Ҳаққим бор” — филми бола қалбида қолган оғриқ ҳақида ҳикоя қилади.

Бола бу дунёга ўз ҳуқуқлари билан келади. Уларни на исботлаши, на сазовор бўлиши, на талаб қилиши керак. Ҳимоя, ғамхўрлик ва ҳурмат — бола учун имтиёз эмас, балки унинг яшашининг ажралмас асосидир.

“Ҳаққим бор” — зўравонликка дуч келган болаларнинг ҳақиқий ҳаётий ҳикоялари асосида суратга олинган бадиий фильм. Бу фильм — овозсиз қолган болаларга овоз бериш, уларни эшитиш учун яратилган.

Фильмда уч нафар боланинг ҳаёти акс этган бўлиб, ҳар бири турли шаклдаги зўравонликка дуч келган: психологик босим, жисмоний тажовуз, жинсий зўравонлик ва эҳтиёжларга бефарқлик. Ҳар бир бола учун оғриқ алоҳида жойда бошланган: уйда, боғчада, мактабда… Оддий ва таниш бўлиб туюлган жойларда рўй берган бу воқеалар улар ҳаётида фожеа бошланишига сабаб бўлган. Бу жойлар ўтмишда қолмаган — улар болалар билан бирга, ботинларида юрибди. Бу жароҳат кўринмас, аммо унинг таъсири йиллар давомида сақланади — ишончни йўқотади, хавфсизлик ҳиссини олиб қўяди, ҳаётни чеклайди.

  "Биз, катталар, болалар — бизнинг келажагимиз деб айтишни яхши кўрамиз. Лекин аслида улар — ҳозирги ҳаётимизнинг бир қисми. Ва улар ҳимояга кейин эмас, айнан шу бугун ҳақли." — Шахноза Мирзиёева,