Россия Федерациясининг Стратегик ташаббуслар агентлиги билан учрашув ўтказилди
28 Апрел, 2025
56
28 апрель куни Россия Федерацияси Стратегик ташаббуслар агентлигининг бош директори Светлана Чупшева бошчилигидаги делегация билан учрашув бўлиб ўтди.
Учрашувда илгари эришилган келишувлар якунлари сарҳисоб қилинди ва 2025 йилга мўлжалланган Ҳамкорлик йўл харитаси имзоланди.
Ҳужжат ҳамкорликдаги фаолиятнинг асосий йўналишларини қамраб олади: булар жумласига коррексион педагогика соҳасидаги мутахассисларнинг малакасини ошириш, инклюзив таълим амалиётини ривожлантириш, шунингдек, ногиронлиги бўлган шахсларни иш билан таъминлаш масалалари бўйича биргаликдаги илмий тадқиқотлар ўтказиш киради.
Томонлар, шунингдек, ҳамкорликни кенгайтириш истиқболларини муҳокама қилдилар. Ҳамкорлик доирасида ижтимоий лойиҳалар ва кичик ташаббусларни қўллаб-қувватлашда тажриба алмашиш, камбағалликни қисқартириш дастурларини амалга ошириш ҳамда тарбияси оғир ўсмирларни ижтимоий ҳаётга мослаштиришга оид қўшма ёндашувларни ишлаб чиқишга келишиб олинди.
