“Онажоним, бирга ўйнаймизми?", 1 июнь - Халқаро болаларни ҳимоя қилиш кунига бағишланган видеоролик

Бутун дунёда бўлгани каби Ўзбекистонда ҳам 1 июнь Халқаро болаларни ҳимоя қилиш куни сифатида кенг нишонланади.

Ижтимоий ҳимоя миллий агентлиги фаолияти йил давомида болаларнинг девиант хулқ-атвори, уйдан қочиш ҳолатларига кўп учраган, болалар жиноятчилигининг ўсиши муаммоси ҳам ўрганилган. Таҳлиллар шуни кўрсатдики, аксарият ҳолларда бу салбий ҳодисаларнинг сабаби ота-оналар томонидан тўғри эътиборнинг етишмаслиги, оилада болани рад этиш, зўравонлик, оиладаги жанжаллар, болани тўлиқ назорат қилиш, уни шахсий маконидан маҳрум қилишдир.

Шу муносабат билан Ижтимоий ҳимоя миллий агентлиги директорининг биринчи ўринбосари, болаларни ижтимоий ҳимоя қилиш, ҳуқуқ ва манфаатларини таъминлаш масалалари бўйича масъул Шахноза Мирзиёева “Ота-оналар ва болалар ўртасидаги муносабатлар” мавзусидаги ижтимоий ролик ташаббуси билан чиқди. Маълумки, ота-она ва боланинг травматик муносабатлари жуда катта салбий оқибатларга олиб келади ва боланинг келажакдаги ҳаётига сезиларли таъсир кўрсатиши мумкин.

Видеоролик яна бир бор катталарнинг эътиборини чексиз севги, тушуниш, манфаатларни ҳурмат қилиш ва болаларга ғамхўрлик қилиш зарурлигига қаратади. У яна бир бор эслатиб ўтадики, уй бола учун энг хавфсиз жой бўлиши керак, у ерда уни ҳамма севади ва борича қабул қилади.

Видеонинг асосини ташкил этган шеър «Онам, ўйнаймизми?» , шоира Малвина Матрасова томонидан ёзилган, видеонинг рус тилидаги версиясини Мария Матвейчук яратган, унинг ўзи бу шеърни она ролида ўқийди. Мелиа Ализаде қизча ролида шеър ўқийди.

Ушбу ижтимоий роликнинг ўзбек тилидаги версиясини яратишда шоирлар Мадина Мақсумова ва Феруза Хайруллаэва иштирок этган бўлиб, шеърни журналист, дубляжчи актриса, Ўзбекистон Республикасида хизмат кўрсатган маданият ходими, истеъдодли Дилдора Рустамова шунингдек, ёш ва истеъдодли актриса – Малика Собиржонова ўқиб эшиттирдилар.  

Ижтимоий ҳимоя миллий агентлиги ушбу ижтимоий лойиҳани яратишда иштирок этган барчага самимий миннатдорчилик билдиради ва катталарни ҳар куни болаларга эътибор ва ғамхўрлик қилишга чақиради.