"Ногиронлиги бўлган шахсларнинг ҳуқуқлари тўғрисида"ги Ўзбекистон Республикасининг Қонунига ўзгартиришлар киритиш ҳақида"ги қонун лойиҳаси депутатлар томонидан қабул қилинди

Олий Мажлис Қонунчилик палатасининг навбатдаги мажлисида Ўзбекистон Республикаси Президенти ҳузуридаги Ижтимоий ҳимоя миллий агентлиги томонидан ишлаб чиқилган “Ногиронлиги бўлган шахсларнинг ҳуқуқлари тўғрисида”ги Ўзбекистон Республикаси Қонунига ўзгартиришлар киритиш ҳақида”ги Ўзбекистон Республикасининг қонуни лойиҳаси қабул қилинди.

Ушбу Қонун билан Ўзбекистон Республикасининг “Ногиронлиги бўлган шахсларнинг ҳуқуқлари тўғрисида”ги Қонунига қуйидаги ўзгартириш ва қўшимчалар киритилмоқда:

Педиатрия тиббий-ижтимоий эксперт комиссияларини чиқариб ташлаш орқали 18 ёшгача бўлган болани ногиронлиги бўлган бола деб топиш тиббий-ижтимоий эксперт комиссиялари томонидан амалга ошириш;
ногиронликни белгилаш бўйича тиббий-ижтимоий эксперт комиссиялари томонидан тиббий кўрикдан ўтказиш бўйича амалдаги 10 календарь кунлик муддат 20 календарь кун этиб белгилаш;
Ногиронлиги бўлган шахсларга спорт билан бепул шуғулланишлари учун спорт объектларни тақдим этиш тартибини ҳамда уларни протез мосламалари ва реабилитация воситалари билан таъминлашга доир ҳаволаки нормани аниқлаштириш;
Ногиронлиги бўлган шахсларнинг маълумотларни ўз ичига олувчи кўрик ишлари электрон шаклда юритиш.

Мазкур Қонун тиббий-ижтимоий экспертиза хизмати тизимини такомиллаштиришга, шунингдек, ҳуқуқни қўллаш амалиётида бир хил ёндашув шаклланишига хизмат қилади.